Një atentat me armë zjarri është regjistruar mbrëmjen e sotme në Elbasan. Një person është ekzekutuar brenda në makinën e tij.
Ngjarja ndodhi në lagjen “Skënderbej” ku ka pasur edhe një plagosje, por ende nuk dihen rrethanat. Personi i plagosur është dërguar në spital por nuk ka mundur të mbijetojë.
Raportohet se në sallën operative të Drejtorinë Vendore të Policisë ka ardhur një telefonatë për të shtëna me armë zjarri në lagjen “Skënderbej”, që ka njoftuar për ngjarjen në afërsi të një kompleksi në autostradë.
Forca të shumta policie kanë shkuar në vendin e ngjarjes për të zbardhur detaje. Report Tv ka sjellë pamje nga vendi i ngjarjes ku u regjistrua atentati vetëm pak minuta më parë.