Është kthyer në një debat politik çështja e shqiptarëve në Britaninë e Madhe. Nisur edhe nga gjuha e përdorur nga sekretarja e Brendshme e Britanisë së Madhe, që shqiptarët kanë ”pushtuar” Anglinë kjo për rrugën ilegale që po përdoret, është futbollisti kuqezi Armando Broja që komenton këto qëndrime të qeverisë britanike. Ai shprehet se është krenar që është shqiptar.
Këtë video e ka shpërndarë edhe kryeministri Edi Rama, i cili shkruan se është një turp për këdo që veçon komunitetin shqiptar në Britani. Broja është një nga futbollistët më të suksesshëm në Angli.
”Krenar për ty Armando Broja dhe krenar për çdo shqiptar që punon shumë dhe kontribuon në MB! Turp për këdo që veçon komunitetin tonë të madh atje, duke ju kthyer të gjithëve në shënjestër të diçkaje që shqiptarët as e kanë krijuar dhe as nuk mbajnë përgjegjësi për sa keq po trajtohet”.