Kreu i bashkisë së Matit, Agron Malaj ka denoncuar përmes një video sesi njerëz të kandidatit të koalicionit “Bashkë Fitojmë” Skënder Gjuci, dhunojnë barbarisht dy zyrtarë shtetëror gjatë koncertit të mbrëmshëm në sheshin “Ahmet Zogu”. Teksa ka treguar edhe emrat e dhunuesëve, Malaj që është kandidat për një tjetër mandat nën siglën e PS-së, shprehet se “Ky eksoponent i Partisë Demokratike pa vulë që shoqëron kandidatin Skënder Gjuci qysh kur ishte kryetar komune, por dhe sot mendon të shantazhojë popullin e Matit me veprime të tilla. Këto banda janë llum i neveritshëm, që mendojnë se me të tilla veprime do të shantazhojnë popullin e Matit”,-shkruan Malaj në një postim në Facebook.
Postimi i plotë
Denoncim Publik!
Të dashur qytetare Matjane, gjatë gjithë fushatës time elektorale jam përpjekur të shpjegoj dhe rikujtoj se këta që kemi përballë janë një bandë që nuk rrinë dot kurrë pa bërë çorbë dhe maskarada.
Ky këtu është Sokol Hajredin Rami me bandën e tij. Djali i tij Erik Sokol Rami, Klajdi Jakup Metra dhe Aldo Xhezmi Dika që godasin dy zyrtarë shtetëror gjatë koncertit të mbrëmshëm në sheshin “Ahmet Zogu”, përpara zyrave të kualicionit “Bashkë Fitojmë”.
Ky eksoponent i Partisë Demokratike pa vulë që shoqëron kandidatin Skënder Gjuci qysh kur ishte kryetar komune, por dhe sot mendon të shantazhojë popullin e Matit me veprime të tilla. Këto banda janë llum i neveritshëm, që mendojnë se me të tilla veprime do të shantazhojnë popullin e Matit. Turp turp turp për llumin.