A nuk do të dëshironit dhe ju që ditët e gjata të verës të zgjasnin përgjithmonë? Epo një ishull në veri të Norvegjisë po kërkon pikërisht këtë.
Me solsticin veror në hemisferën veriore, Sommaroy, që në shqip do të thotë “Ishulli i Verës” dëshiron të shkëmbejë orët e dorës me lule, duke e deklaruar veten si zona e parë pa kohë.
Në këtë ishull në veri të Rrethit Arktik, dielli nuk perëndon që nga 18 maji deri në 26 korrik, për plot 69 ditë.
Banorët vendas, të cilët jetojnë netët e gjata polare ku dielli nuk lind kurrë, nga nëntori në janar, kërkojnë të marrin më shumë nga këta muaj të çmuar, pa marrë parasysh kohëzgjatjen konvencionale.
“Këtu është vetëm ditë, dhe ne veprojmë në bazë të rrethanave”, thotë Kjell Ove Hveding në një deklaratë. “Në mes të natës, që qytetarët këtu i thonë ora 2 e mëngjesit, mund të shohësh fëmijë që luajnë futboll, njerëz që lyejnë shtëpitë e tyre, dhe adoleshentë që shkojnë për not”, thotë ai.
“Ne bëjmë atë që duam kur të duam”, thonë banorët që tashmë janë vendi i parë pa kohë.