Në një ditë me shi në Londër, London Noor (të cilin edhe emrin e ka prej këtij qyteti) këndon këngën ‘Falling’ të Harry Styles, një ‘british guy’ i vërtetë. Nga videoja që ka postuar Sara në Instagram mësuam se kjo është edhe kënga e preferuar e babi Ledionit, prandaj me sa duket, London e di përmendësh.
Me një anglishte perfekte, edhe pse ende i vogël për t’i shqiptuar mirë fjalët, nga mënyra se si ai këndon dhe mban ritmin nuk mund të mos qeshësh.
Sara Hoxha ndan herë pas here në llogarinë e saj në rrjetet sociale momentet më të bukura me dy vogëlushët e saj, London dhe Roman. Një ditë më parë ajo tregoi se fëmijët e saj nuk kanë të drejtë të shohin televizor dhe se e vetmja ditë kur i lejohen teknologjitë është e shtuna.