Një video krejt e pazakontë vjen nga Australia, ku një person i ka mësuar qenit të tij njëvjeçar se si t’i japë makinës, duke e ndihmuar kështu pronarin e tij, Cameron Zschech me punët fermën që zotëron. Mund të duket e pabesueshme por është e vërtetë. Qeni në fjalë quhet Lexie dhe është tashmë një shofer.
Në një intervistë për mediat e huaja, Cameron u shpreh se ishte në tokën e familjes së tij në Hamilton, Victoria kur një ditë mendoi se “tani është koha që unë mund t’i mësoj qenit të ngasë”. Ai tha se e la makinën në marshin e parë dhe më pas Lexie-n nisi ta drejtonte.
“Mendova se tani është koha që mund ta mësoj qenin t’i japë makinës. Nuk ka asnjë arsye që ai nuk mund ta bëjë këtë vetëm sepse është qen”. Në pamjet e publikuara, Leksi shihet në timon teksa drejton mjetin.