Një djalë i ri dhe partnerja e tij janë dënuar me 10 vjet e gjysmë burg secili nga Gjykata në Iran, pasi publikuan në rrjetet sociale një video të tyre duke vallëzuar pranë sheshi Azadi të Teheranit.
Ata janë dënuar gjithashtu edhe me dy vjet ndalim të përdorimit të internetit dhe largimit nga Irani.
Astiazh Haghighi dhe Amir-Mohammad Ahmadi, të dy në fillim të 20-ve, akuzohen për “përhapje të korrupsionit”, “tubim dhe bashkëpunime të fshehta me qëllim të minimit të sigurisë kombëtare” dhe përfshirje në propagandë kundër regjimit.
Aktivistët nga HRANA njoftuan se çiftit i ishte mohuar përfaqësimi ligjor gjatë procedurave gjyqësore.
Autoritetet iraniane nuk e komentuan rastin, dhe vendimi erdhi në një kohë kur qeveria po përpiqet të ndalë protestat disamujore kundër regjimit.