Dy turiste gjermane kishin humbur rrugën në Kanionin e Gjipesë në Himarë dhe mbetën të bllokuara për tri orë.
Policia e Himarës, FNSH dhe Zjarrfikëset e bashkisë nisën menjëherë kërkimet për gjetjen e tyre dhe pas tre orësh u konstatuan se kishin mbetur në një terren shumë të vështirë të këtij kanioni. Të dy turistet nuk kanë pësuar asnjë lëndim dhe ndodhen në gjendje të mirë shëndetësore.
NJOFTIMI
Policia u vjen në ndihmë dy turisteve gjermane, të cilat kishin humbur rrugën në Kanionin e Gjipesë, Himarë.
Në orët e mbrëmjes së djeshme, dy turiste të huaja gjermane J.M dhe K.U (37-vjeçare) duke eksploruar zonat malore të Kanionit të Gjipesë, Himarë kanë humbur rrugën e kthimit duke ngelur të bllokuara.
Menjëherë janë organizuar shërbimet e Policisë Himarë, Forcat e Ndërhyrjes së Shpejtë dhe Zjarrëfikëset e Bashkisë, të cilët filluan kërkimet për gjetjen e tyre.
Pas 3 orë kërkimesh, gjithashtu nëpërmjet pajisjeve speciale është bërë e mundur gjetja e tyre në një terren shumë të vështirë të këtij kanioni.
Të dy shtetaset nuk kanë pësuar asnjë lëndim dhe ndodhen në gjendje të mirë shëndetësore.
Dy shtetaset gjermane kanë falënderuar Policinë dhe zjarrfikësit për angazhimin dhe ndihmën e dhënë.