Dy persona të bllokuar prej disa orësh në një ballkon në zonën e Astirit vënë në lëvizje efektivët e policisë që në orët e para të mëngjesit, ndërsa me ta bashkohen dhe zjarrfikësit. Për të shpëtuar dy të rinjtë nga ballkoni në katin e 5-të zjarrfikësit të ndihmuar nga efektivët e policisë ngjiten në katin e 6 të pallatit duke u lëshuar me litar. Skena e filmuara nga kamera e trupit duket si një skenë filmi veçse ka ndodhur realisht në kryeqytet.
Në një tjetër apartament në Tiranë pronari lajmëron policinë se brenda banesës i kanë hyrë persona të armatosur për të vjedhur dhe se ata janë ende brenda të bllokuar në apartament! Efektivët e Policisë ngjiten me shkallë metalike nga ballkoni i banesës pasi dera ishte e bllokuar. Teksa futen në banesë nxjerrin armët për çdo situatë të papritur.