Interi ka fituar 2-1 kundër Udinesen në takimin e javës së 34-të të Seria A, duke ruajtur kështu diferencën me 2 pikë me Milanin kryesues. Me këtë triumf, zikaltërit vijojnë të mbeten në garën për titull duke bërë që lufta mes ekipeve milaneze të jetë e fortë deri në fund.
Të besuarit e Simone Inzaghit kaluan në avantazh që në minutën e 12-të të takimit me anë të Perisic, i cili i asistuar nga Dimarco nuk e kishte të vështirë të tunde rrjetën kundërshtare.
Në minutën e 39-të Lautaro Martinez humbet penalltinë, pasi topi i goditur nga argjentinasi do të përplasej në shtyllë dhe i kthyer përsëri, sulmuesi e dërgoi në rrjetë, për të dërguar shifrat 2-0.
Në pjesën e dytë Udinese shënoi golin e parë të saj në minutën e 72-të, ku Pussetto veçsa ngushtoi rezultatin, pasi deri në fund të këtij dueli nuk u shënuan më gola të tjerë, me Interin që siguron kështu 3 pikë të rëndësishme për Scudetton.