Në qytetin e Shkodrës vijon puna për rikonstruksionin e fasadave të pallateve. Kryeministri Edi Rama ka postuar në Facebook, pamje nga puna për veshjen me sistemin kapot të 59 pallateve në qytetin verior.
Rama tha se “hyrja e Shkodrës po merr një pamje tjetër ku po vishen me sistemin kapot 59 pallate, me ndikim në uljen e kostos së energjisë dhe rritjen e vlerës së pronës”.
Ky projekt ka si qëllim rigjenerimin e fasadave duke përdorur sistemin kapot (termoizolim), për rritjen e eficiencës energjetike dhe rritjen e qëndrueshmërisë së objekteve për një periudhë më afatgjatë.