Kryeministri i Japonisë, Fumio Kishida në konferencën e përbashkët me kryeministrin Edi Rama, tha se mes dy vendeve janë firmosur disa marrëveshje, nisur nga importi i tonit nga Shqipëria dhe ngritja e një dhome tregtie Shqipëri-Japoni.
“Morëm disa vendime për importin e tonit nga Shqipëria në Japoni dhe ngritjen e dhomës së tregtisë Shqipëri-Japoni. Shpresojmë që të kemi një nxitje të eksporteve nga Shqipëria dhe investimeve nga Japonia.
Do caktojmë një ambasador përgjegjës për Ballkanin Perëndimor. Pas kësaj konference gjatë darkës do diskutojmë për marrëdhëniet mes dy vendeve. Mjedisin e vështirë të sigurisë në Paqësor dhe rajon. Synoj t’i shpjegoj kryeministrit strategjinë e sigurisë të miratuar”,-tha kryeministri japonez, Fumio Kishida.