Finalja e FA Cup në Wembley mes Liverpool dhe Chelsea u vendos nga goditjet e penalltive, ku të kuqtë u treguan më të saktë nga pika e 11-metërshit duke rrëmbyer në fund trofeun e tyre të tetë në këtë kompeticion.
Edhe pse u krijuan shumë raste në pjesën e parë, shifrat mbeten të pazhbllokuara. Gjithashtu edhe pjesa e dytë do ishte tejet interesante, por sërish të dyja skuadrat do kishin vështirësi në sulm, duke bërë që koha e rregullt të përfundojë me rrjeta të paprekura.
As shtesa nuk solli ndonjë suprizë, teksa Liverpool dhe Chelsea iu drejtuan pikës së bardhë të penalltisë. Nga 11-metërshat më të saktë u treguan të kuqtë e Jurgen Klopp, që gabuan vetëm me Mane, ndërsa nuk falën lojtarë si Milner, Thiago, Firmino, Arnold e Tsimikas. Tek Blutë e Londrës dështuan lojtarë si Azpilicueta dhe Mount, sakaq perfekt ishin Alonso, James, Barkley, Jorginho dhe Ziyech.
THEY'VE DONE IT 🤩@LFC are #EmiratesFACup champions in our 150th anniversary season!#EmiratesFACup pic.twitter.com/yR2Pwrr4RJ
— Emirates FA Cup (@EmiratesFACup) May 14, 2022