Pasi u shpall fitues i edicionit të dytë të “Big Brother VIP Albania”, Luizi ka nisur punën dhe angazhimet muzikore si me koncerte ashtu edhe me këngë të reja.
Tashmë, këngëtari nga Shkodra ka përfunduar projektin e parë pas daljes nga BBVA, e që është në bashkëpunim me aktorin Donald Veshaj.
Donaldi ka publikuar një video në llogarinë e tij në Instagram ku ka njoftuar duetin e dyshes duke dhënë disa detaje rreth tij.
Në përshkrimin e postimit, Donaldi zbuloi se kënga mban titullin “2 Shotsa”, producent i të cilës është Elgit Doda dhe pritet të publikohet këtë të premte.
Në video, Luizi dhe Donaldin shihen bashkë në ambientet e një zyre teksa këndojnë e kërcejnë me këngën e tyre.