Papa Françesku teksa shpreh me mimikë mërzitjen dhe zhgënjimin prej faktit se Presidenti francez Emmanuel Macron e la të priste gjatë për takimin e tyre në fundjavë, dhe kjo video është bërë virale në rrjet.
Papa duket i shqetësuar dhe në vazhdimësi sheh me sy karrigen e zbrazët të Macron-it pranë tij, e në një rast duket se nervat nuk e mbajnë pasi godet dorën e tij në mbështetësen e krahut. Kamera zmadhon fytyrën e vrenjtur të Papës, ndërsa në sfond janë flamujt e Francës, BE-së dhe Vatikanit pas tij.
Përfundimisht, pas më shumë se një minutë e gjysmë, Papa ngrihet nga vendi dhe përshëndet Macron, i cili hyn me shpejtësi në dhomë. Çdo shenjë bezdie apo zhgënjimi nga Ati i Shenjtë është zhdukur, teksa ai buzëqesh dhe i shtrëngon dorën presidentit francez. Nëse Papa buzëqeshi sërish pas momentit të sikletshëm, komentuesit në Itali nuk e kursyen aspak Macron, duke e cilësuar fyes faktin që e la Atin e Shenjtë të priste aq gjatë.