Paraditja e 13 janarit të këtij viti tronditi Shkodrën pas një shpërthimi të fuqishëm me eksploziv në lagjen “Partizani” që kishte në shënjestër Lulzim Kullën 42-vjeç, i njohur si i forti i qytetit. Shpërthimi u regjistrua përballë tregut plot me njerëz.
Rreth 400 gr lëndë eksploziv ishin vendosur në një motor të parkuar në hyrje të një objekti 2-katësh në pronësi të Kullës dhe është shpërthyer me telekomandë në momentin kur shënjestra po hynte në ndërtesë.
Kulla mbeti i plagosur rëndë në këmbë dhe në kokë, por arriti të shpëtonte. Krahas tij, plagë morën edhe 7 persona të tjerë të cilët ishin qenë kalimtarë të rastësishëm.
Pasi vendosi motorin me eksploziv ai largohet me qetësi në anën tjetër të rrugës, ndërsa një person tjetër dyshohet se ka qenë bashkëpunëtor dhe ka aktivizuar lëndën plasëse eksploziv në momentin që Lul Kulla ka ardhur në lokal si çdo ditë. Shpërthimi ka ndodhur në orën 10:27:10 të paradites, teksa lokali ishte plot me njerëz.
Ngjarja ka ndodhur në datë 13 janar, ditën kur në qytetin e Shkodrës po zhvillohej ceremonia e përvjetorit të krijimit të policisë. / report tv