Në fillim të vitit, në Palma de Majorka është arrestuar Stefan Milojevic, djali i ish-futbollistit serb Goran Milojevic dhe kushëriri i ish-trajnerit të kuqezinjve, Vladan Milojevic.
Ish-futbollisti dhe luftëtari i MMA-së është në burg që nga ajo kohë, dhe dyshohet se është udhëheqësi i bandës “United Tribunes”, e themeluar në Gjermani. Një dokumentar u publikua së fundmi në Spanjë, i cili zbulon në detajet më të vogla se si shkoi arrestimi i tij.
Bëhet fjalë për dokumentarin e shtëpisë mediatike DMAX, në të cilin Milojevic paraqitet si një nga tre kriminelët më të mëdhenj që “ranë” në Spanjë.
Videoja tregon policinë që hyn në apartamentin e tij në Majorka ku e gjen atë me një vajzë, dhe ndërsa po kontrollonin apartamentin e tij , Stefan Milojevic qëndron i qetë e u përgjigjet pyetjeve të inspektorit. Thotë se flet anglisht dhe se është nga Gjermania, duke konfirmuar se ai është luftëtar i MMA-së.
Gjatë kontrollit në apartamentet e Milojevicit, u gjet një sasi e madhe parash, narkotikë, si dhe distinktivë dhe uniforma të policisë.