Edhe pse e mbrojti me shpirt dje në sallën e Kuvendit, në një seancë që zgjati 14 orë, dhe u bë qullë në djersë, kryeministri Edi Rama nuk e votoi marrëveshjen për portin turistik të Durrësit.
Por mëngjesin e kësaj të premteje, Rama teksa ka postuar një video të këtij projekti, thekson se do të jetë një motor i jashtëzakonshëm ekonomik.
“MIRËMËNGJES dhe me kënaqësinë e hapjes me votën e mbrëmshme PRO të rrugës për ndërtimin e Portit të Turistik, që do të jetë një motor i jashtëzakonshëm ekonomik për Durrësin e mbarë Shqipërinë, ju uroj një ditë të mbarë”,-shkruan Rama në facebook.
Partia Socialiste ka miratuar me votat e saj marrëveshjen për Portin e Durrësit, pas 14 orëve debate të forta dhe akuza për Portin e Durrësit. Me 74 vota pro dhe 35 kundër, Kuvendi i hapi rrugën investimit 2.1 miliardë eurosh.
Të pranishëm në sallë ishin 107 deputetë, ku ia vlen të theksohet që kryeministri Edi Rama mungoi. Në përfundim të votimit, socialistët duartrokitën në atë që e quajnë një “marrëveshje që do i sjellë vendit një bum ekonomik.