VIDEO / Olta Xhaçka merr timonin në Kolonjë, kërkon votën për përfundimin e projekteve

Kandidatja socialiste për qarkun e Korçës, Olta Xhaçka ka ftuar të gjithë votuesit e këtij qarku që më 25 prill të mbështesin Edi Ramën për një mandat të tretë si kryeministër. Përmes një video ku shfaqet duke i dhënë vetë në timon furgonit të mbushur me të rinj socialistë, Xhaçka nënvizon se vota për PS është për përfundimin e projekteve dhe reformave të nisura për ta bërë Shqipërinë anëtare të denjë të familjes evropiane. “Shumë është bërë në 8 vite, por puna ende s’ka përfunduar.  Ndaj me 25 prill, të ftoj të votosh shpresën për të ardhmen, për fëmijët tanë. Që bashkë me Edi Ramën kryeministër, të përfundohen projektet e mëdha dhe reformat e nisura, për ta bërë Shqipërinë anëtare të denjë të familjes evropiane”, thekson Xhaçka.