Spoti zyrtar i Partisë Demokratike për protestën e 3 marsit është ndryshe nga ai i fundit mbajtur me 11 shkurt.
Edhe pse e ka përfshire si foto ish-agjentin e arrestuar të FBI-së, Charles McGonigal duke përplasur në foto me Edi Ramën, PD nuk e ka të përfshire në sloganin e protestës.
Për herë të parë PD ka përfshire edhe Erion Veliaj si arsye për të protestuar si dhe një foto të George Soros kësaj here edhe me të birin dhe me kryeministrin Edi Rama.
Në spot PD rikthen edhe Rajmonda Bulkun e cila mbahet mend në një deklaratat e saj drejtuar PS vitë më parë se koha për ta po mbaron përmes thirrjes “Tik-Tak” lidhur me një nga debatet e zgjedhjeve të kaluara në Fier.
Kësaj here Rajmona Bulku vjen me një inskenim artistik të thirrjes së “Nënës Shqipëri” për bijtë e saj.
Aktorja interpreton ‘rolin kryesor’ në këtë spot duke risjellë jehonën e Nënës Shqipëri që në raste nevojash historike u bën thirrje bijve e bijave të saj t’i dalin zot vetes dhe vendit.
Slogani kryesor i Partisë Demokratike është “Shqipërisë-t’i dalim zot’ dhe spoti i 3 marsit ndjek të njëjtën linjë duke folur për shpopullimin, varfërinë dhe qeverisjen sipas saj të papërgjegjshme.
Protesta e 3 marsit do të zhvillohet në ora 12.00 para Kryeministrisë.