Këtë të enjte, banorët e Divjakës kanë dalë përsëri në protestë kundër traut me pagesë, që u vendos që prej ditës së mërkurë, të paktën vetëm struktura, ende nuk ka nisur procedura e pagesës. Forca të shumta policie në vend. Mes banorëve dhe policëve pati një përplasje fizike. Kurse deputeti i PS-së, Erion Braçe e quan turp të madh.
Çdo vizitor detyrohet të paguajë 50 lekë të reja, ndërkohë për automjetet është vendosur një tarifë prej 150 lekësh të reja. Protestuesit kanë shtyrë kabinën e vendosur në hyrje të parkut ku çdo person që dëshiron të futet brenda tij duhet të ndalojë për të bërë pagesën.
Ata kanë mbajtur në duar pankarta të ndryshme ku në njërën prej tyre shkruhet “Fëmijët tanë duan oksigjen”. Policia ka krijuar kordon në aksin kryesor të rrugës në mënyrë që të shmanget bllokimi i saj nga protestuesit.
“E vetmja rrugë kombnëtare me pagesë! Nuk ka të dytë nga Vermoshi në Konispol. I vetmi plazh-copë deti që duhet ta shohësh me para. Kulmi! Tani, kur nuk të dëgjojnë, dëshmojnë se nuk kanë respekt”.
Polici: Ej, pse i acaron gjërat o vëlla? Ejjj.
Qytetarët: Shtyje, shtyje. Ec, ec.
Qytetari: I mbytët njerëzit. O çuna hajdeni ta shqyejmë, ta nxjerrim jashtë.