Gazetarja Vanessa Robles u përball me një situatë aspak të këndshme gjatë një lidhjeje direkte nga kryeqyteti i Ekuador, Guayaquil.
Teksa raportonte për finalen e Kupës Libertadores që luhet të hënë në stadiumin “Monumental”, dy të rinj të maskuar tentuan t’i vidhnin celularin.
“Po raportonim, kur erdhën dy të dyshuar me motoçikletë për të vjedhur celularin. Thamë që ishim live, u shfaq një polic dhe ata ikën”, shpjegoi Vanessa.
Sipas gazetares, një nga burrat madje ishte i armatosur dhe tentoi ta frikësonte duke e kërcënuar me armë.
“Falë zotit që ishim live, kjo gjë i ndaloi pak. Ata mbuluan fytyrat dhe ikën”, tha gazetarja.