VIDEO/ Protesta e opozitës, policia leu me graso shtyllat që të mos dëmtoheshin kamerat e sigurisë

Krahas masave të shumta të sigurisë të marra për garantimin e zhvillimit të një seance normale parlamentare, Policia e Rendit kishte lyer sot edhe shtyllat e ndriçimit në afërsi të sheshit përpara Kuvendit me graso. Kjo si një masë shtesë për të bërë të pamundur hipjen e protestuesve në shtyllat e ndriçimit dhe dëmtimin e kamerave të reja të sigurisë dhe altoparlantëve të vendosura ditët e fundit në ambientet para Kuvendit. Kujtojmë që gjatë protestave të shkuara të opozitës, protestuesit janë ngjitur në shtylla dhe kanë shkatërruar të gjitha kamerat dhe altoparlantët me anë të të cilëve policia përcillte mesazhet për rruajtjen e qetësisë.