Kreu i PD-së, Sali Berisha në mbledhjen me grupin e tij në selinë blu, ka paralajmëruar se edhe nesër do të jetë bashkë me mbështetësit e tij për të protestuar para Parlamentit.
Nga ana tjetër, ai tha se është përjashtuar një tjetër grup deputetësh nga seanca pasi kryeministri Edi Rama do jetë nesër në Kuvend.
“Nesër do të jetë dita e betejës. Çdo ditë, çdo betejë ka një rëndësi të jashtëzakonshme. Sot ata për turpin e tyre marrin përsipër të përjashtojnë dhe një grup tjetër tonë nga parlamenti sepse nesër Edi Rama, pas 1 muaji vendos të shkojë në sallën e parlamentit por ka frikë dhe tmerr nga prania jonë dhe kërkon të na stërpërgjysmojë”, tha Berisha.