Elseid Hysaj luajti për 90 minuta në ndeshjen e Kupës përballë Perugia-s. Në përballjen e sotme ka pasur edhe një rast të veçantë për t’u përmendur.
Arbitri i takimit ka dhënë një penallti të dyshimtë dhe jo i prerë në vendimin e tij, pasi topi preku fillimisht këmbën e mbrojtësit shqiptar dhe më pas dorën e tij.
Iemello e ekzekutoi penalltinë, por që do të pritej nga portieri i Napolit. Pavarësisht kësaj dhe kur arbitri sinjalizoi mbylljen e pjesës së parë pas penalltisë së humbur, Hysaj nuk po i ndalte polemikat ndaj arbitrit.
Në këtë moment ka shkuar në vrapim e sipër trajneri Gatuzo për ta larguar lojtarin shqiptar prej andej edhe me forcë, për të mos rrezikuar më shumë për një dënim të mundshëm.