Qindra protestues irakianë janë futur me dhunë brenda ndërtesës së parlamentit në Bagdad.
Ata mësynë në zonën e gjelbër të sigurisë së lartë të kryeqytetit, ku ndodhen ndërtesat qeveritare dhe misionet diplomatike të mërkurën.
Kryeministri Mustafa al-Kadhemi iu bëri thirrje protestuesve që të tërhiqen menjëherë nga zona e gjelbër, teksa i paralajmëroi ata se forcat e sigurisë do të kujdeseshin për “mbrojtjen e institucioneve shtetërore dhe misionet e huaja dhe parandalimin e çdo dëmtimi të sigurisë dhe rendit”.
Protestuesit, mbështetës të liderit shiit irakian Muqtada al-Sadr, kundërshtojnë kandidaturën e Mohammed al-Sudani për Kryeministër.