Mark Frroku u është futur punëve me themel në shtëpinë e tij, gjatë kësaj kohe izolimi si pasojë e koronavirusit.
Këtë na e ka treguar aktorja dhe moderatorja e njohur, Rudina Dembacaj, e cila ka qenë mjaft aktive në rrjetet sociale gjatë këtyre ditëve të izolimit.
Së fundmi, ajo ka publikuar një video ku tregon sesi po e kalon kohën partneri i saj, ish-deputeti Mark Frroku.
Në video shihet se Frroku u ka hyrë punëve me themel dhe është duke rregulluar lulishten.
Ai mbjell lule të reja, ndërsa Rudina nuk harron t’i bëjë video dhe të shkëmbejë batuta me të.
“E dija që ishe vetëm seksi”, i thotë moderatorja.
“Po edhe ashtu jam”, i kthen përgjigje ish-deputeti.
Rudina dhe Marku kanë nisur tashmë bashkëjetesën, ndërsa moderatorja zbuloi disa ditë më parë se po e kalon këtë periudhë me vajzën e saj, fëmijët e Frrokut dhe prindërit e tij.