VIDEO/ Rama merr në telefon kandidaten e Tiranës: Forca Bora shkrij çdo akull, mi ke parë këta të LSI-së?

Kryeministri Edi Rama ka zhvilluar një bisedë telefonike me kandidaten e PS për Tiranën, Bora Muzhaqi të cilën e pyeti në lidhje me fushatën në kryeqytet. Në fund të bisedës, Rama me humor i ka lënë si detyrë Borës që të “shkrijë çdo akull”, ndërsa një vëmendje të posaçme mori nga kryeministri dhe LSI. Telefonata e Ramës me Muzhaqin: Rama: Bora, si je Bora? Muzhaqi: Mirë kryeministër, si jeni Rama:: Unë mirë jam, si shkon puna. Muzhaqi: Mirë, mbarova një takim me studentët. Vijojnë me mbështetjen e tyre, në fillim janë skeptikë, por ka dhe që duhet të afrohen, se fati varet Rama: Ç’të duhet politika? Po nuk u morre me politikë, merren të tjerët. Merret politika pastaj me ty. Po në territor? Muzhaqi: Në territor mirë. Zona gri, të pavendosurit po e kuptojnë se nga mërzia e pakënaqësia, vetëm mandati i tretë është garancia, Rama: Tani pakënaqësitë dhe mërzitë janë legjitime, duhet ta pranoni si fakt. Njerëzit kanë të drejtë të ankohen, për shumëçka që nuk ju ka ecur mbarë, por ka vetëm një rrugë, të vijojmë të ngjitemi me durim. Po këta ça bëjnë xhagajdurët e LSI? Muzhaqi: Me thënë të drejtën nuk i shoh, asgjëkundi, në terren. LSI në Tiranë po humbet përditë. Ata që ishin gënjyer me ndonjë vend pune po i kthehen PD. E kuptojnë që s’janë të majtë. Rama: Një pjesë e tyre do kthehen tek PD. I kanë marrë, mbajtur peng me punë e me rroga e me zijafete, pjesa tjetër tek ne. Kush ka mbetur akoma nga këta të familjes tonë duhet t’i integrojmë sa më shpejt. Më 25 prill duhet t’u japim dërmen. Muzhaqi: Po shoh që po kthehen. Shoh rezultatet e vaksinimin, isha me pedagogë, dhe ndihen lirshëm për veten. Mësuesit po ashtu. Po i kthehen me entuziazëm punë. Vaksinimi po merret me me pozitivitet. Rama: Forca Bora, shkrije akullin. Të përqafoj fort e mirupafshim.