“I Love Tropoja” është filmi ku kryeministri shfaqet në rolin e një personazhi të vrazhdë që nuk respekton ligjin.
Ndryshe nga jeta reale, ku kërkon respektimin e ligjit, Rama vjen jashtë të parashikueshmes.
Në një video të publikuar nga producenti i filmit Ermal Mamaqi, kreu i qeverisë shfaqet duke i gjuajtur derës me shqelm, ndërsa në një pasazh tjetër duke hequr syzet dhe duke parë me inat.
Nën petklun e rolit, ai është i veshur me paruke të zeza e të gjata dhe me syze, ndërsa njërin sy të modifikuar.
Prindërit e Ermal Mamaqit, ku rolin e të atit e luan aktori Bujar Asqeriu, janë nga Tirana, tipa civilë, madje nëpër ambientet e shtëpisë rrinë veshur lirshëm, veç me të brendshme (dhe jo më kot është evidentuar ky detaj). Ata i kërkojnë ndihmë dajës, që është Edi Rama, për të liruar nga pengmarrja djalin e tyre të cilin po e martojnë me zor.