Performanca e djeshme e Ronela Hajatit ishte brilante, duke elektrizuar skenën e Eurovizionit në natën e parë gjysmëfinale. Megjithatë, edhe pse publiku e përkrahu shumë ajo nuk ia doli të shkonte deri në finale.
Mirëpo, teksa performanca e saj duket se shkoi shumë mirë, këngëtares shqiptare i ka ndodhur edhe një situatë e sikletshme. Megjithëse i kishte flokët e kapura, gjatë performancës i kanë ngatërruar me mikrofonin. Ronela e menaxhoi mirë situatën teksa ngre flokët lart dhe rregullon mikrofonin duke vijuar me performancën.
Ndërkohë, pas skualifikimit duke mos mundur të shkojë në finale, Ronela bëri një reagim ku tha se fitorja e saj më e madhe ishte dashuria e madhe që ka marrë nga publiku. Këngëtarja tha se edhe nëse do të ishte pjesë e finales nuk do të arrinte në vendet e para.