Më në fund, lojtari i kombëtares shqiptare, Odise Roshi arriti të gjejë për herë të parë rrugën e rrjetës me fanellën e Boluspor në Turqi. Fieraku përfitoi nga një ngatërresë në zonë, për të zhbllokuar takimin që skuadra e tij luante ndaj Ankaragucu. Goli u shënua në minutën e 13-të.
Ndërkohë, kjo ishte ndeshja e 27-të e Roshit me këtë fanellë, por deri më tani shqiptari nuk kishte shënuar asnjëherë. Mesa duket, 30 vjeçari nuk ka qenë faktor kyç për ekipin aq sa pritej, pasi numëron vetëm 2 assiste.
Shihet qartë se Roshi e ka vuajtur shumë përshtatjen në kampionatin turk, pasi më parë njeh eksperiencat e ndryshme në vende si Hungaria, Rusia dhe Gjermania.