Në Kukës po bëhen gati për fitoren më të rëndësishme të skuadrës në vitet e fundit, kthimin në stadiumin e tij të ekipit që për tre vite ka provuar çdo cep të Shqipërisë teksa rindërtohej stadiumi i tij.
Safet Gjici e ka prezantuar stadiumin e ri nëpërmjet një videoje në profilin e tij në Facebook, ku tregohen etapat e rindërtimit të këtij stadiumi. Një video që shoqërohet nga dy kolona zanore. Njëra është “Coming Home” (Kthehem në shtëpi) e Diddy, Ndërsa tjetra është “Unstoppable” (I pandalshëm) e Sia. Pikërisht zgjedhja e kësaj kënge të dytë duket pak e çuditshme duke kujtuar se ajo ishte kolona zanore e fushatës së PD në zgjedhjet e fundit.