Nga një Parlament në tjetrin në çdo cep të botës, duket se dhuna po bëhet normë. Këtë herë në Parlamentin turk ka ndodhur një incident i rëndë, teksa po diskutohej për buxhetin.
Situata agravoi pasi një nga deputetët e opozitës nacionaliste turke është sulmuar me grusht në kokë dhe më pas është dërguar me urgjencë në spital. Ligjvënësi i Partisë Iyi (Mirë) Huseyin Ors u godit me grusht nga Zafer Isik. Gjatë përleshjes, disa ligjvënës të tjerë ranë përtokë.
Përleshje të shumta janë parë nga parlamenti i Turqisë gjatë debateve veçanërisht të ndjeshme. Një incident i ngjashëm ndodhi në vitin 2020 kur një përleshje me grushte shpërtheu në parlament për diskutimet mbi përfshirjen ushtarake të Turqisë në Siri.