Një shqiptar në Mantova të Italisë ka plagosur rëndë me thikë gruan e tij me të cilën ishte në proces divorci. Sipas mediave italiane sherri mes shqiptarit me profesion kasap dhe bashkëshortes së tij 37-vjeçare, ka nisur në parkimin e një qendre tregtare në Suzzara.
Në grindje e sipër ai ka nxjerrë thikën duke e qëlluar disa herë. Ulërimat e gruas alarmuan dëshimtarët e shumtë në vendngjarje të cilët njoftuan menjëherë karabinierët. 37-vjeçarja u transportua në spital.
41-vjeçari tentoi të arratisej duke u hedhur nga një mur i lartë, por u vu në pranga nga policia italiane. Mësohet se grindja kishte nisur për shkak të detyrimeve që burri duhej të jepte ligjërisht për tre fëmijët e tij.