Aktori i njohur i humorit, Bes Kallaku duket se është kthyer pas në kohë duke publikuar një video të xhiruar disa muaj më parë. Në të ai shfaqet duke kositur barin dhe duke theksuar se kishte harruar ta bënte këtë gjë.
“Kë ka marrë malli për nja dy duar kosë?”, ka shkruar Kallaku krah videos shoqëruar me disa emoji të qeshurash. Fansat kanë lënë menjëherë një sërë komentesh duke qeshur pas videos së publikuar nga Besi.
Kujtojmë se Kallaku ka ndarë shpeshherë pamje të ndryshme, foto ose video nga jeta në fshat, duke theksuar gjithmonë origjinën e tij dhe mënyrën si është rritur.