Një përleshje e ashpër ka ndodhur mes dhjetëra personave të komunitetit rom dhe atij shqiptar në perëndim të Selanikut.
Sipas informacioneve të mediave greke gjithçka ka ndodhur për shkak se të miturit e dy familjeve janë grindur me njëri-tjetrin dhe më pas janë rrahur me njëri-tjetrin edhe familjarët e tyre.
Fillimisht ishin gratë që u kapën mes tyre ndërsa gjithçka precipitoi ku në sherr u përfshinë më shumë se 20 persona.
Në sherrin mes familjeve që zgjati rreth një orë, ata kanë përdorur gurë, shishe dhe sende të tjera për të goditur njëri-tjetrin.
Banorët e frikësuar kanë lajmëruar policinë e cila ka shkuar në vendngjarje me forca të shumta.
Nga ngjarja kanë mbetur të plagosur dy vetë dhe deri më tani policia ka arrestuar katër persona. Familjarët e përfshirë në sherr janë përplasur edhe me policinë.