Kryesfida e sotme në Kategorinë e Parë, mes Besës dhe Bylis ka degjeneruar në dhunë dhe një ngjarje të turpshme. Pas kartonit të kuq të Danajt për ekipin vendas, tifozeria vendase ka reaguar shumë keq dhe nga tribuna është goditur pas shpine vijërojtësi Denis Rexha.
Gjyqtari Klajdi Kola u bëri shenjë asistentëve të tij se do të ndërpriste ndeshjen dhe për këtë arsye ka nxituar të dalë nga fusha. Por aty është gjendur përballë një rrebeshi gurësh e shishesh që fluturonin nga tribunat. Edhe ndërhyrja e policisë nuk qetësonte tifozerinë që nuk lejonte gjyqtarët të afroheshin te tuneli.
U desh që lojtarët e Besës të rrethonin gjyqtarët dhe t’i shoqëronin për t’i mbrojtur nga breshëria e gurëve të tifozerisë së tyre. Pak minuta më vonë edhe lojtarët e Bylis u shoqëruan në hyrjen në tunel pasi tifozeria vendase ishte shumë e acaruar dhe vazhdon të hidhet sende në fushë.