Nuk ndalen ditët e këqija për Manchester United këtë sezon, teksa sot ka marrë një tjetër goditje të rëndë nga Brighton duke u mundur me rezultatin 4-0. Me këtë ecuri, “Djajtë e kuq” rrezikojnë seriozisht edhe pjesmarrjen në Europë.
Brighton e zhbllokoi ndeshjen që në minutën e 15-të me një goli të shënuar nga Caicedo, i cili në hyrje të zonës goditi saktë dhe e çoi topin në rrjetë.
Pjesa e parë nuk pati gol tjetër, ndërsa të dytën skuadra vendase e nisi me vrull. Cucurella shënoi për katër minuta golin e dytë me një goditje me të majtën.
Më pas e mori skenën Gross, që i çoi shifrat në 3-0, kurse më pas Trossards e dërgoi topin në rrjetë për të katërtën herë dhe goli u konfirmua edhe me VAR pastaj.
United në minutën e 73-të nuk festoi dot, pasi Cavani që shënoi ishte në pozicion jashtë loje. Deri në fund nuk pati gol tjetër dhe Brighton fitoi me rezultatin 4-0.