Pavarësisht se ndodhemi në stinën e pranverës, moti i keq ka përfshirë sërosh vendin tonë gjatë orëve të fundit duke bërë që të ketë edhe reshje shiu dhe dëbore.
Kështu, Thethi është zgjuar mëngjesin e sotëm i mbuluar nga bardhësia e borës.
Për rrjedhojë, Autoriteti Rrugor Shqiptar ka shpërndarë një postim në “Facebook” ku informon qytetarët në lidhje me gjendjen e rrugëve për shkak të pranisë së borës.
ARRSH thekson në postimin e saj se kalimi deri më tani bëhet pa probleme, megjithatë është e rëndësishme është që shoferët të kenë kujdes.
Njoftimi i ARRSH-së:
“Në Theth sot ka pasur reshje dëbore 🌨 me intensitet
Kontraktori i mirëmbajtjes me mjetet borëpastruese ⚠️po punon për pastrimin e aksit dhe shpërndarjen e kripës.
Qarkullimi kryhet pa probleme.
⚠️Drejtuesit e mjeteve duhet të bëjnë kujdes në lëvizje, sidomos gjatë natës dhe në orët e para të mëngjesit, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore 🚦të ndjekin udhëzimet e Policisë Rrugore”, thuhet në postimin e ARRSH.