Pavarësisht se Cristiano Ronaldo nuk mund të ishte prezent mbrëmjen e djeshme në radhët e Manchester United për të ndihmuar ekipin e tij ndaj Liverpoolit, tifozët e këtyre të fundit nuk ngurruan të tregojnë mbështetjen e tyre për portugezin. Tifozët e pranishmëm mbrëmë në Anfield i emocionuan të gjithë dje me dashurinë dhe ngrohtësinë e dhuruar në shkallët e stadiumit.
Duke marrë shkas nga ai veprim i bukur i tifozerisë së Liverpool, familja e Cristiano Ronaldos falënderoi tifozët e Liverpool për mbështetjen e tyre të jashtëzakonshme për sulmuesin e Man United dhe partneren e tij pas vdekjes tragjike të djalit të tyre të vogël.
Kujtojmë se dje, teksa luhej sfida mes Manchester United dhe Liverpool e vlefshme për kampionatin anglez, në minutën e 7-të të ndeshjes mbështetësit e “Anfield” kënduan ‘You’ll Never Walk Alone’ dhe iu bashkuan tifozëve të rivalëve të tyre në një duartrokitje minutëshe të respektuar.
Anfield showed love to Cristiano Ronaldo's family 👏
— B/R Football (@brfootball) April 19, 2022
(via @beINSPORTS_EN)pic.twitter.com/KbWD2j45gN