VIDEO/ Vlora në kolaps, gjithçka nën pushtetin e ujit. Rrugë dhe ndërtesa janë përmbytur nga shiu

Vlora është në kolaps total si pasojë e motit të keq, ku pothuajse i gjithë qyteti ka probleme me përmbytjet. Hidrovori i stakuar, ndërsa një pjesë e qytetit bregdetar është pa drita. Bizneset kanë pësuar dëme, ndërsa edhe në video duket qartë vërshimi i ujit duke dëmtuar karrige dhe tavolina. Lagje të tëra të Vlorës janë nën ujë, niveli i të cilit në disa zona ka shkuar deri në brez të qytetarëve. Uji ka hyrë edhe në bibliotekën e qytetit. Situata vijon të jetë e rënduar. Më herët bashkia e Vlorës me një njoftim paralajmëroi qytetarët që të mos parkonin mjetet në segmentet problematike të qytetit, referuar përmbytjeve.