Presidenti i Serbisë, Aleksandar Vuçiç, ka shkarkuar para kamerave drejtorin e Elektroekonomisë së Serbisë, Milorad Gerçiç.
Duke e pyetur me tone kërcënuese “pse nuk më ke njoftuar që ka pasur zjarr të vogël në B1 (bllok i termoelektranës)”, shefi i EPS-së i është përgjigjur se nuk ka dashur ta ngarkojë me gjëra dhe se puna e zjarrit është zgjidhur shpejt.
Pasi ka dëgjuar këtë përgjigje, Vuçiç ka vazhduar poshtërimin e drejtorit, duke i thënë se është dashur ta njoftojë për këtë problem, e jo BIA (Shërbimi Sekret Serb).
Më pas, Vuçiç i ka kërkuar atij ta stabilizojë gjendjen me rrymë deri në Vit të Ri.
Me këtë rast, ai para kamerave e ka pushuar nga puna ushtruesin e detyrës së EPS.
“Deri në Vit të Ri stabilizoje gjendjen, pastaj gjej një punë tjetër”, tha Vuçiç.
Vuçiç ka vizituar një fshat në Rashkë ku ka njoftuar se ky shtet do të ndërtojë një hidroelektrane që do të zgjidhte problemet e Serbisë të furnizimit me rrymë.
Vučić javno “preslišava” Grčića https://t.co/btKEgSCsLj pic.twitter.com/zqD1mw8y6b
— TV N1 Beograd (@N1infoBG) December 26, 2021