Drejtuesi Politik për Diasporën dhe kreu i grupit parlamentar i PS-së, Taulant Balla i bën thirrje shqiptarëve në Venecia dhe Trevizo që të mbështesin kandidaturën e Muharrem Salihut për zgjedhjet rajonale të nëntorit në Itali. Balla vlerësoi kontributin e Salihut dhe frymën e bashkimit që ai përfaqëson:
“Muharrem Salihu, një nga shqiptarët më të suksesshëm në Venezia, prej sot është zyrtarisht kandidat për zgjedhjet rajonale të 23 nëntorit, në dy provinca: Venezia dhe Treviso. Me mbështetjen e shumë shqiptarëve në Venezia dhe Treviso, Muharremi do të jetë zëri juaj në vendimet e rëndësishme për rajonin. “Bashkimi bën fuqi”, thoshte heroi ynë kombëtar, Gjergj Kastrioti Skënderbeu”, tha Balla.
Muharrem Salihu, president i Confimprese Venezia dhe një nga sipërmarrësit më të njohur shqiptarë, ka lindur në Tupallë të Medvegjës. Përveç bizneseve, ai njihet si një personalitet i angazhuar për mbrojtjen e shqiptarëve në Serbi.