Në mbledhjen e sotme të qeverisë, ministrat po kalojnë në skaner për punën e bërë gjatë vitit të shkuar. Deri më tani, kanë kaluar në filtër disa ministri. Sot do të diskutohen projektet infrastrukturore.I pari është Korridori Blu.
Puna ka vijuar me parkun fotovoltaik të Karavasta që ka vijuar punën me 45 ditë vonesë, tuneli i Llogorasë, rruga Tiranë-Durrës apo aeroporti i Vlorës.
Disa prej projekteve kanë hasur në kundërshtime publike e kanë nxitur protesta, si në rastin e rrugës Lekaj-Fier apo Thumanë-Kashar.
Ministrja që ka marrë vlerësim pozitiv nga Rama është ministrja e Bujqësisë Frida Krifca, për arritje në sektorin e bujqësisë.
“2022 jo vetëm rekord absolut i eksporteve bujqësore, po edhe realizim i objektivit ambicioz për gjysmë miliardë USD në 78 vende të botës. Por ambicia jonë është të kapim 1 miliardë USD dhe ta bëjmë #Shqipërinë2030 kampione të Ballkanit edhe në eksporte bujqësore”, shkruan Rama në një tjetër postim në “Facebook”