Zbardhen detaje të reja nga vrasja e para pak orëve e cila ndodhi në Tiranë. Mësohet se sherri mes viktimës dhe autorit të ngjarjes filloi pasi viktima e quajtur autorin “malok”, çka ka bërë që Olgert Dhimitri të ndihet i ofenduar. Kaq ka mjaftuar për të plasur fillimisht debati verval mes tyre që më pas përfundoi në vrasje.
Ngjarja e rëndë ndodhi paraditen e sotme në zonën e “Harry Fultz” në kryeqytet, ndërsa raportohet se 2 protagonistët e konfliktit jetonin në të njëjtën lagje.
Autori 37-vjeçar mësohet se në momentin kur ka ndodhur ngjarja ka qënë në gjendje të dehur, ndërsa tani ndodhet në ambientet e komisariatit të policisë. Burime thonë se sherri mes tyre ka nisur me fjalë në një lokal të lagjes dhe më pas kanë dalë jashtë.
Autori e ka goditur me thikë, ku si pasojë e plagëve të marra, 60-vjeçari humbi jetën. Dyshohet se 37-vjeçari është gjithashtu edhe përdorues i lëndëve narkotike.