Një 63 vjeçar në Mat ka vrarë me armë zjarri një 52-vjeçar. Pas krimit ka telefonuar policinë dhe është vetëdorëzuar. Sipas policisë vrasja ishte hakmarrje ndaj një ngjarjeje të vjetër të 11 viteve më parë ku autori kishte plagosur të bijën.
Autori i vrasjes është Islam Meta. Në vitin 2013 atij i është plagosur vajza nga viktima Petrit Pupla. Ky i fundit ishte i dashuruar me vajzën e Islam Metës dhe kërkoi të fejohej me të, por familja e vajzës nuk e pranoi dhe e fejuan vajzën me dikë tjetër. Për t’u hakmarrë Petrit Pupla e plagosi vajzën kur ajo u fejua. Prej atëherë marrëdhëniet kanë qenë konfliktuale mes dy familjeve.
Ngjarja ka ndodhur mbi fshatin Shëlli, pak kilometra larg fshatit Vig, njësia adminisrative Macukull. Mësohet se autori i ka zënë pritë në pyll viktimës dhe e ka qëlluar me çifte duke e lënë të vdekur në vend. Ende policia lokale nuk ka mbërritur në vendin e ngjarjes, pasi rrugët janë të pushtuara nga akulli.