Kushdo që do të udhëtojë drejt Shqipërisë me mjetin e tij me targa të huaja duhet të ketë parasysh policën e sigurimit. Ajo duhet të jetë në pika të autorizuara dhe nga agjentë të licencuar.
Ky është apeli i autoritetit të Mbikëqyrjes financiare. Në një sqarim zyrtar, thuhet se të gjitha policat që mund të ofrohen pa hyrë në territorin e Republikës së Shqipërisë, apo që janë plotësuar me shkrim dore, bien në kundërshtim me rregullat e legjislacionit shqiptar. Si të tilla, ato janë të pavlefshme.
Autoriteti i Mbikëqyrjes Financiare i bën thirrje qytetarëve të tregohen të kujdesshëm dhe të verifikojnë policën e tyre kufitare për të mos rënë pre e mashtrimeve të ndryshme.