Avokati Sajmir Visha në ‘Çim Peka LIVE’ ka hedhur akuza të rënda në lidhje me drejtësinë e re.
Visha është shprehur se në Shkollën e Magjistraturës janë futur fëmijë të anëtarëve të grupeve kriminale, që janë të dënuar për trafik droge, vrasje apo edhe akuza të tjera të rënda.
“Këshilli i Lartë Gjyqësor ka pezulluar 15 studentë që ishin fëmijë të gjyqtarëve apo prokurorëve”, tha Sajmir Visha, duke komentuar një vendim të djeshëm të KLGJ-së.
Vishaj tha se, “jam kundër këtyre që fitojnë shkollën e Magjistraturës me listë nga administrata”.
“Në shkollën e magjistraturës kemi fëmijë të grupeve të strukturuara kriminale. Kjo është skandal. Në kuptimin shkollës, janë ata që na bënë reformën e drejtësisë. Kanë pasur baballarët, trafikantë droge, vrasës, apo për akuza të tjera të rënda. Ne nuk e kemi një sitë kontrolli’, theksoi në fjalën e tij avokati Sajmir Visha.