Kreu i Partisë Demokratike Lulzim Basha vijon takimet e tij me biznesin në Elbasan, ku është ndalur në një biznes të përpunimit të brumit për bugaçet e famshme të Elbasanit. Ai ka kujtuar kohën kur punonte në Kosovë e që shpesh mëngjesi e gjente në këtë qytet. Duke mos njohur bugaçet tradicionale, Basha thotë se porosiste vetëm byrek.
“Vitet qe punoja në Kosovë një nga rrugët më të mira për të ardhur në Tiranë ishte përmes Shkupit dhe mëngjesi na gjente në Elbasan ku kishim zgjidhje mes byrekut dhe simite bugaçes. Unë se njihja dhe porositja byrekun. E mësova gjatë kohës që isha kandidat për deputet i Elbasanit dhe ia rekomandoj çdokujt që vjen në Elbasan”, tha Basha gjatë videoselfie.