Mediat holandeze shkruajnë se qeveria e vendit të tyre ndoshta do të duhet të argumentojnë në Bruksel kërkesën për viza për shqiptarët.
Disa parti në Dhomën e Përfaqësuesve kanë nënshkruar këtë kërkesë. Ministri Stef Blok tha në një debat të mërkurën se nuk ka mbështetje të mjaftueshme mes shteteve anëtarë evropiane për një hap të tillë.
Kërkesa për vizë për shqiptarët u anulua në vitin 2010. Që atëherë numri i shqiptarëve të paligjshëm në Holandë është rritur, thonë mediat holandeze.
Anëtarja e Parlamentit Madeleine van Toorenburg (CDA) vë në dukje se në vitin 2017, policia e Amsterdamit dhe autoritetet e drejtësisë kërkuan që të rifillohej kërkesa për vizë. Shumë kriminelë shqiptarë janë të përfshirë në krime të rënda, si trafikimi i drogës dhe trafikimi i qenieve njerëzore.
Në përfundim të debatit Ministri i Jashtëm dhe Ministri i Drejtësisë dhe Sigurisë theksuan se rivendosja e regjimit të vizave me Shqipërinë është një vendimmarrje e gjerë europiane dhe nuk është përgjigja e duhur për situatën në të cilën kalon Shqipëria.